По повеќе од две децении на триумфи на сцените на Бродвеј, Вест Енд и најголемите театри во светот, „Mamma Mia!“ конечно пристигнува во Скопје! Овој спектакл претставува уникатна комбинација од заразни мелодии, динамична енергија и топла, човечка приказна што ги плени сите генерации.
Со легендарни хитови како „Dancing Queen“, „Super Trouper“, „The Winner Takes It All“, „Gimme! Gimme! Gimme!“ и, секако, „Mamma Mia!“, оваа претстава раскажува емотивна, забавна и незаборавна приказна за љубов, пријателство и пронаоѓање на сопствениот идентитет.
Мјузиклот ја следи приказната на една млада жена која во потрага по својот идентитет и љубов се соочува со хумор, романса и неочекувани пресврти, а музиката, кореографијата, сценографијата и емоциите се соединети во едно моќно театарско искуство.
На сцената ќе настапат 150 уметници – хор, балет и жив оркестар, поддржани со импресивна сценографија, магични светлосни ефекти, динамични проекции и раскошни костими што ја оживуваат приказната пред вашите очи.
„Mamma Mia!“ е вистинска магија, спој на безвременските хитови на ABBA и длабоко човечката приказна, која повеќе од 50 години ја освојува публиката ширум светот.
На 18 октомври, Скопје ќе се најде на светската мапа на градови каде што живее ова незаборавно театарско доживување!
