На денешен ден 1906 годинаво селото Паралово бил убиен македонскиот револуционер Ѓорѓи Сугарев. Ѓорѓи Сугарев е роден во Битола во 1876 година во семејство од крајно сиромашни родители. Мајка му е Донка Сугарева (1846-1932). Браќата му Христо, Вангел и Михаил емигрираат во САД и активно учествуваат во работата на Македонската патриотска организација. Вангел станал таму историчар и автор на неколку книги, како „Бугарската националност на Македонците“.
Преживеаната мизерија во Ѓорѓи раѓа омраза спрема несправедливоста и нееднаквоста. Уште во детските години тој ја почувствувал омразата кон турскиот аскер, а во младинските години таа добила сè поголем размер. Поради големите семејни оскудици Сугарев не успеал да заврши IV клас во Битолската бугарска егзархиска гимназија. Поради тоа, тој ја напуштил гимназијата и ѝ се оддал на учителската кариера, преку којашто успеал да го прави тоа што најмногу му леж
Во 1901 година, незадоволен од легалната дејност, Сугарев станал четник во демир-хисарската чета на војводата Никола Русински. Истата година, тој бил избран за член на раководното тело на Битолскиот револуционерен округ, и за да може да ја исполнува дадената организациска должност, тој повторно станал учител во Битола. Но шумниот град и арогантните чорбаџии создале презир кај Сугарев. Градскиот живот не го задоволувал неговиот боречки карактер. Тој ја напуштил Битола и со неколкумина другари започнал нелегална дејност во Битолската околија. Тој го јакне револуционерното сознание сред своите комити и, следствено, мнозина од нив стануваат војводи. Сугарев оди секаде каде што се чувствува потреба од неговата организаторска вештина. Тој ги посетил скоро сите села во Демир-хисарско, Кичевско, Ресенско, Крушевско и Поречјето.и на срце. Тој учителствува во градот Битола, Битолската и Кичевска околија.
Во несразмерна борба со османлиската војска над Параловскиот Манастир Св. Ѓорѓи бил убиен заедно со неговите соборци откако претходно бил предаден од еден селанец од селото Паралово.
Предавството на Ѓорѓи Сугарев е опишано и во познатата песна „Заплакало е Мариово“ која меѓудругите ја имаат препеано Васка Илиева, Петранка Костадинова, Никола Бадев, Мирвет Беловски и многу други.
Заплакало е Мариово, заплакало
за тој ми Ѓорѓи, Ѓорѓи Сугарев:
– Каде си Ѓорѓи сега да дојдиш,
леле да дојдиш,
од душманите да нè куртулиш.
Тогај извикна Ѓорѓи Сугарев, провикна
од Демирхисарските балкани:
– Еве сум народ, народ поробен, леле измачен,
сега за скоро јас ќе дојдам.
Сега за скоро јас ќе дојдам, леле ќе дојдам,
со триес’ одбор млади момчиња.
Колку ми трга Ѓорѓи да врви, да врви,
за тоа село Паралово,
бог да ги бие шпиуните Параловци,
Ѓорѓија што ми го предадоја.
– Слушај бре Ѓорѓи, Ѓорѓи Сугарев, послушај,
ако да сакаш ти да куртулиш,
накачи горе кај чукарите, кај манастирот,
ако да сакаш ти да одминеш,
накачи горе кај чукарите, кај манастирот,
ако да сакаш ти да куртулиш.
Тогаш се Ѓорѓи, Ѓорѓи излага, се прелага
накачи горе кај чукарите,
кога ќе види, што ќе види, Ѓорѓи Сугарев:
од сите страни Ѓорѓи сардисан.
Тогај извикна Ѓорѓи Сугарев, провикна
на неговата верна дружина:
– Клавајте гуњите пусии, леле пусии
зошто се камен тешко најдува.
Згрмеја пушки, пушки аскерски, крвави,
сета дружина му ја избија.
Тогај извади нагант леворвер, Ѓорѓи Сугарев
самиот крвта си ја пролеа,
самиот крвта си ја пролеа, Ѓорѓи Сугарев,
жив на душмани не се предаде.
