На денешен ден пред 23 години во екот на воениот конфликт, македонските медиуми, особено ние печатените објавија бројни статии.
Хронолошки, од 13 до 17 март 2001 во проодлжение се насловите на слични статии објавени во печатениот весник „Вечер“.
13.03.2001 – Власта знаела дека Танушевци е полигон за офанзива во Прешевската Долина
Во објавата се збори за сензационални откритија на воените разузнавачи, а авторот прашува: Зошто министерката Доста Димовска ја повлекла полицијата од Танушевци и околните села? „Длабинското обезбедување на северната и западната граница било растурено со благослов на врвот на владејачките ВМРО-ДПМНЕ и ДПА“ стои меѓудругото во објавата.
13.03.2001 – Во Македонија нема тренери, за жал, има само играчи
Во објавата има тврдење на МВР дека во македонските села нема терористички тренинг кампови.
14.03.2001 – Танушевци ослободено, борба за Малино и Брест
Во објавата се пишува за жестоката офанзива на АРМ за враќање на селото Танушевци под контрола на македонските сили.
14.03.2001 – Не е проблем Танушевци, нов проблем може да биде Шара
Во објавата се пишува за обвинувањата на армиските безбедносни органи кои го обвинуваат МВР за растурената длабинска контрола.
15.03.2001 – Не не барајте по планини- ќе не најдете во градовите
Во објавата пренесена е закана од терористичките сили. „Македонските сили имале точни информации дека нема наши војници во Танушевци, па влегоа таму и направија настан, нашите сили се концентрирани во Малино, Брест, Лукаре и Гошинце, нека дојдат и нека видат колку се подготвени“.
15.03.2001 – Се продолжува со чистење на Брест и Малино
Во објавата се пишува за активностите на АРМ во селата Брест и Малино каде се прави проверка за евентуално поставени мини.
16.03.2001 – Димовска: Цел на терористичките групи е заземање македонски територии
Во објавата е пренесена изјавата на Доста Димовска: „Во последниве денови се соочуваме со упади на терористички групи од косовска страна, во кои учествува и еден мал дел македонски граѓани. Овие терористички групи потекнуваат од поранешната ОВК и факт е дека нивна цел е заземање македонски територии“.
