Триесет и шестгодишен жител на Делчево ќе се соочи со кривична одговорност откако физички нападнал полициски службеник за време на извршување на службени задачи.
Од Министерството за внатрешни работи информираат дека Надворешната канцеларија за криминалистички работи Делчево поднела кривична пријава против лицето со иницијали Т.С., поради сомнение за сторено кривично дело „напад врз службено лице при вршење работи на безбедноста“.
Инцидентот се случил на 31 декември 2025 година во Делчево, кога пријавениот, според полицијата, физички го нападнал службеникот додека тој постапувал по службена должност.
По целосното документирање на случајот, против осомничениот ќе биде поведена соодветна постапка пред надлежните органи.
▶ Случајно видео
Пробај ја и оваа алатка:
