Меѓународниот Ден без автомобили, 22 септември, оваа година беше одбележан во соработка со ОЈУДГ “Димче Мирчев” Велес. Во градинката, во објект 5 „Ѕвездички”, се одржа „Час по сообраќајна култура”, со цел запознавање на најмладите пешаци-учесници во сообраќајот со основните сообраќајни правила.
Децата, заедно со претставниците од МВР-СВР Велес, учеа за безбедно поминување на улицата, за сообраќајните знаци, за улогата на сообраќајниот полицаец и семафорот во контролирањето на сообраќајот, а добија и одговор и на сите дополнителни прашања што ги имаа во врска со оваа тема.
Меѓудругото, тимот од Општина Велес обезбеди и достојни донации од општествено одговорни компании кои донираа спортски реквизити наменети за општинските основни и средни училишта.
Партнери и поддржувачи на активностите за одбележување на Европската недела на мобилност 2025 во Велес се „Еуро-Фарм”, „Стокомак”, Министерство за животна средина и просторно планирање, ОЈУДГ „Димче Мирчев”, МВР-СВР Велес, Младински центар Велес и ООУ „Панко Брашнаров“ – Велес.
Детални информации за секој настан можат да се најдат на официјалната веб страница на Општина Велес.
Извор:veles.gov.mk
