Градоначалникот на Општина Куманово, Максим Димитриевски, денеска во Занаетчиски дом, ги претстави реализираните проекти, резултати и достигнувања во сите општествени области, во период на вториот мандат.
Присутните имаа можност да го проследат обраќањето на градоначалникот, видео презентација на дел од реализираните проекти за време на четиригодишниот мандат и отчет во печатена форма, кој ги содржи сите придобивки во интерес на граѓаните, постигнати во тек на осумгодишниот ангажман во институцијата.
На настанот присуствуваа секретарот на Општината, претседателката и членови на Советот на Општината, пратеници од Собранието на РМ, претставници од граѓански здруженија, од јавни претпријатија, установи, од основни и средни училишта и претставници од општинската администрација.
Извор:kumanovo.gov.mk
