Трите „панирани“ бода легнаа на контото на Пелистер, но реализацијата одеше неубедливо на почетокот.
Битолчани и во третото коло од Прва МФЛ не играа пред домашната публика, па на теренот во Кавадарци не делуваа моќно, барем во првите 45 минути. Во новинарските бележници остана празнина во извештајот за добро изработени акции, напротив, најсериозната закана за тресење на мрежата дојде на спротивната страна од Шкупи.
Второто полувреме донесе голови, исто како и на претхдоните средби со Вардар и АП Брера, кога нападот на Пелистер профукнционира. Во 59. минута, Петар Ристиќ кој влезе во вториот дел конечно ја затресе мрежата на Гроте, а во 75. минута, Муарем имаше изгледна можност да ја врати резултатската неизвесност, но фудбалерите на Шкупи повторно не успеаја да реализираат.
Лука Булатовиќ го постави конечниот резултат 2:0 во 89. минута, откако Пелистер ја презема контролата и одиграа мотивирано до крајот за да ја потврди победата.
Со овие три бода Пелистер има вкупно шест од можни девет и изби на шестото место на табелата, додека Шкупи останува без бодови, „закован“ за дното.
Извор/Фото:www.ffm.mk
