Министерот за локална самоуправа, Златко Перински, денеска официјално потпиша договори за кофинансирање на седум проекти, кои вклучуваат вкупно 18 корисници, меѓу кои општини и организации од граѓанскиот сектор во Македонија. Овие проекти се дел од Програмата за прекугранична соработка помеѓу Македонија и Бугарија, а се реализираат преку отворениот повик за инвестициски иницијативи во рамките на Приоритет 3: „Интегриран развој на прекуграничниот регион”.
Вкупната вредност на јавниот повик изнесува 500.971.694 денари, од кои за македонските корисници се обезбедени 137.887.557 денари преку кофинансирање од Европската унија, како и дополнителни 26.349.547 денари од националното кофинансирање. Проектите се фокусирани на развој на препознатлив културен, природно ориентиран и одржлив туризам.
Со оваа програма, Министерството за локална самоуправа работи на развојот на Источниот, Југоисточниот и Североисточниот плански регион, со цел да се создадат одржливи општини, што е клучно за напредокот на Македонија.
