Песна за Прилеп

Песна сакам тебе да ти пеам,
да ти пеам и да заиграм.
На младоста моја да се сетам,
да се сетам, да затреперам.Како чука саатот да го слушнам,
да го слушнам, па да воздивнам.
Во чаршија стара да прошетам,
во меана да се напијам.

Прилепе граде најмил си,
ти ги чуваш моите спомени,
нека биде вечен твојот сјај,
Прилепе, мој роден крај.

Само едно срце в’ гради имам,
тебе граде ти го дарувам.
Сонце тебе вечно да те грее,
јужен ветар да те милува.

Тешко ми е збогум да ти речам,
да ти речам, да не заплачам.
Солзи сами по лице ми течат,
течат, не запираат.

Прилепе граде најмил си,
ти ги чуваш моите спомени,
нека биде вечен твојот сјај,
Прилепе, мој роден крај.