Денеска, на 77 годишна возраст почина Атина Апостолова – македонска пејачка на народни песни и доајенка на македонската фолк музика.
Апостолова е родена на 20 мај 1946 година во Скопје каде дипломирала на Економскиот факултет при УКИМ. Богатата музичка кариера ја започнува веднаш по дипломирањето.
Во својата кариера има издадено пет сопствени албуми и тоа:„Idi draga trazi novu srecu“ (1970) , „Volim majko, jednog divnog momka“ (1972) , „Усни румени“ (1987), „Цела вечер ќе ти пеам“ (1997) и „Усни румени“ (1970), а била дел и од бројни музички компилации.
Во својата кариера била дел од бројни турнеи како во Европа така и на другите континетни. Особено се издвојува турнејата во Австралија каде настапувала заедно со Александар Сариевски, Никола Бадев и Круме Спасовски.
