Во рамки на летната кампања на Републичкиот совет за безбедност на сообраќајот на патиштата – „Безбедно во лето – #ВозиОдморен“, во соработка со Агенцијата за безбедност на сообраќајот од Република Србија, денес на Граничниот премин Табановце / Прешево, се одржа превентивно-едукативна активност за подигнување на сообраќајната свест кај возачите за улогата на заморот при возењето и внимателноста при управувањето со возила во летниот период.
Акцијата беше реализирана во соработка со Агенцијата за безбедност на сообраќајот од Србија, МУП на Република Србија, Министерството за внатрешни работи (Регионалниот центар за гранични работи Север и Мобилната единица за Безбедност на сообраќајот на патиштата), компанијата ОКТА, Автомотосојузот на Македонија (АМСМ) и медумскиот поддржувач Македонското радио – Радио Скопје.
На граничниот премин на возачите и патниците им беа делени едукативни флаери, вода и останати промотивни материјали со корисни совети за безбедно патување, со цел да се поттикне одговорно однесување зад воланот со цел да се укаже на потребата од безбедно и одговорно учество во сообраќајот за време на летниот период.
„Во летниот период поради високите температури и долгите патувања и заморот, зголемен е ризикот од појава на сообраќајни несреќи, затоа со оваа кампања апелираме до сите возачи за време на долгите патувања почесто да прават паузи, да не возат под замор, да бидат внимателни на патиштата и да ги почитуваат сообраќајните правила и прописи“, порачаа организаторите.
ВОЗИ ОДМОРЕН, ПОЧИТУВАЈ ГИ ПРАВИЛАТА КОИ СПАСУВААТ ЖИВОТИ!
Извор:rsbsp.org.mk
