Полициски службеници од СВР Скопје привеле скопјанец кој физички нападнал полицаец за време на извршување службени дејствија.
Инцидентот се случил на 15 јануари 2026 година, околу 19:30 часот, на подрачјето на Драчево во Скопје. Според информациите од полицијата, лицето С.Г. (41) од Скопје било лишено од слобода откако физички нападнало полициски службеник кој постапувал согласно службените овластувања.
По приведувањето, осомничениот е задржан, а по целосно документирање на случајот, против него ќе биде поднесен соодветен поднесок, информираат надлежните.
