Она што за повеќето возачи звучи неверојатно, за еден сопственик на BMW во Брисел стана реалност – куп компири му го прекина патот и целосно го заглави автомобилот. Инцидентот се случи минатата недела, во екот на масовните протести на земјоделците низ Европа.
Видео-снимка која брзо се прошири на социјалните мрежи прикажува црн BMW 4-Series Gran Coupe како влегува на градска раскрсница што претходно била покриена со компири, истурени од демонстрантите. Очигледно, возачот не ја сфатил сериозноста на ситуацијата и решил да продолжи право низ „препреката“.
Првите неколку метри автомобилот се движи, но веднаш потоа предните тркала почнуваат да пролизгуваат. За кратко време, возилото целосно застанува. На снимката се гледа како возачот безуспешно се обидува да тргне наназад и повторно напред, но лизгавата подлога од компири не му дозволува излез. Не е познато како завршила ситуацијата и дали возилото подоцна било извлечено.
Инцидентот е уште една слика од широките земјоделски протести што го зафатија континентот во декември, предизвикани од незадоволството на европските фармери поради најавениот трговски договор меѓу Европската Унија и земјите од Јужна Америка.
@parismatch Lors d’une manifestation d’agriculteurs contre les politiques de l’Union européenne, des tonnes de pommes de terre ont été déversées dans les rues de Bruxelles. Une BMW s’est retrouvée embourbée dans les patates, image devenue virale et symbole de la colère du monde agricole. #onregardequoi #actu #bruxelles #agriculture #manifestation ♬ son original – Paris Match
