Работнички и Македонија ЃП одиграа реми без голови на Арената “Тодор Проески” во Скопје. Двете екипи имаа свои моменти, имаа и шанси, но не постигнаа гол, па оттаму заслужија и само по еден бод.
Во десеттата минута Работнички имаше колосална можност за водство. Манојлов одлично го проигра Димитар Трајков, кој излезе сам пред голманот Јанков, шутираше, но одбраната на гостите спаси пред гол-линијата.
Осум минути подоцна голема шанса и за Македонија ЃП. Беше досуден индиректен удар за гостите откако Велиќ ја врати топката лошо кон голот, а Васко Василев мораше да спасува со рака. Гостите имаа можност од непосредна близина да реализираат од прекин, но одбраната на Работнички успешно блокираше и ја расчисти опасноста.
Во 35.минута нова закана од Македонија ЃП. Брза акција по која Мартин Талаков излезе сам пред Василев, но во последен момент беше блокиран.
Во вториот дел, за одбележување е ударот на Матеј Ангелов, кој заврши над голот, кога е во прашање Работнички.
Македонија ЃП во 87.минута имаше одлична шанса за триумф преку Гереиро, но Васко Василев го одбрани неговиот удар.
Извор/Фото:www.ffm.mk
