Секој возач веројатно има барем една апликација за мерење брзини на својот паметен телефон. Меѓу многуте опции, Google Maps е една од најпопуларните, благодарение на својата функционалност и корисни информации како што се локации на полициски радари, сообраќајни несреќи и ограничувања на брзината. Но, ако некогаш сте ја споредувале брзината од оваа апликација со онаа на брзинометарот во автомобилот, веројатно сте забележале дека тие често не се согласуваат.
Според меѓународните стандарди, кои се применуваат и во Европа, брзинометарите во автомобилите не смеат да покажуваат брзина помала од реалната. Тие можат да прикажуваат брзина која е поголема и до десет проценти, но никогаш не смеат да покажуваат помала вредност од вистинската брзина. Оваа тенденција на брзинометарите да покажуваат поголеми брзини е главната причина за разликата помеѓу брзината на автомобилот и онаа на навигациските апликации.
Од друга страна, апликациите за навигација ја пресметуваат брзината преку GPS системот, кој точно ја следи локацијата на возилото. Поради тоа, брзината прикажана во апликациите, која доаѓа од сателитска навигација, е многу по-прецизна од онаа на брзинометарот во автомобилот.
