Киев, 11 февруари 2025 (МИА) – Украина воведе вонредни ограничувања за снабдување со електрична енергија, објави денеска министерот за енергетика на земјата, нагласувајќи дека руските сили во моментот извршуваат нови напади врз енергетскиот систем.
„Од утринава, енергетскиот сектор е повторно под напади“, објави министерот за енергетика Герман Галушченко на социјалните мрежи.
„Со цел да се минимизираат можните последици за енергетскиот систем, операторот на системот за пренос применува итни ограничувања за снабдување со електрична енергија“.
Тој додаде дека гасната инфраструктура била цел и дека властите ќе дадат повеќе информации кога ќе дозволи безбедносната ситуација.
Од Златко Шумковски/МИА
