Легендарниот напаѓач на Манчестер Јунајтед, Вејн Руни, не штедеше критики кон менаџерот Рубен Аморим и актуелните играчи по последниот пораз од Брентфорд. Според Руни, клубот кој некогаш го познавал, сега е непознат за него. Поразите во Премиер лигата, со само две победи против Барнли и ослабениот Челзи, дополнително ја зголемија тензијата во тимот, а исфрлањето од Карабао Купот од второлигашот Гримсби само ја продлабочи кризата.
Руни, кој има искуство од менаџерската работа, не може да разбере зошто Аморим, кој е само малку помлад од него, не успева да ја сврти ситуацијата. “Самиот пробав во менаџерската работа и не помина баш најдобро, па разбирам”, изјави Руни, додавајќи: “Рубен Аморим е на моја возраст, малку помлад, сè уште млад менаџер. Сигурен сум дека го очекува добра иднина. Но, што се случува со Манчестер Јунајтед? Не го препознавам целиот клуб.”
Тој изрази надеж дека Аморим ќе успее да ја поправи ситуацијата, но не може да ја сокрие својата недоверба: “Искрено се надевам дека може да ја сврти ситуацијата и ќе успее. Но, ако ме прашувате дали верувам во тоа – по сè што видов, искрено, немам доверба.” Руни, со својата искрена и директна анализа, ја отсликува загриженоста на многу навивачи кои се прашуваат што се случува со душата на клубот.
