Вејн Руни, поранешната ѕвезда на Манчестер Јунајтед, изрази сериозно загриженост за трансферната политика на клубот, особено во периодот пред влегувањето на „Инеос“ во сопственост. Според него, Пол Погба е само еден од трите најчудни потези направени од клубот, заедно со Ромелу Лукаку и Златан Ибрахимовиќ. Руни не штедеше критики за стратегијата на клубот, која во голема мера беше управувана од Ед Вудворд, извршниот потпретседател од 2012 до 2021 година.
„Доведувањето на нови фудбалери во Манчестер Јунајтед пред минатото лето беше застрашувачки. Тие само земаа големи имиња – Ромелу Лукаку, Златан Ибрахимовиќ, Пол Погба – тие се добри играчи, но потрошија огромни суми пари. Ќе треба малку време за да се надминат тие грешки“, изјави Руни во подкастот The Overlap Fan Debate. Неговите зборови одразуваат разочараноста на навивачите, кои сведочеа како клубот вложува милиони во играчи кои не успеаја да ги оправдаат очекувањата.
Руни истакна дека во последната деценија, играчите на Манчестер Јунајтед биле „апсолутно исцрпени“. Сепак, тој забележува позитивни промени во последно време: „Сега се гледа како самодовербата се враќа. Тоа може да се каже дури и за менаџерот. Екипата постепено се подобрува, дефинитивно има одредено подобрување.“
Тој исто така спомена дека иако Рубен Аморим имал тешка задача, напредокот на тимот е видлив и играчите се запознаваат подобро. „Има некои ветувачки знаци дека тие евентуално би можеле да се прикрадат во врвната четворка“, додаде Руни, оставајќи надеж за подобра иднина на клубот.
