Руски борбен авион Су-30СМ се урна во близина на Змискиот остров под неразјаснети околности, соопштија украинските разузнавачки служби. Контактот со леталото бил изгубен за време на мисија југоисточно од островот, каде што неодамна престојуваше началникот на украинската воена разузнавачка служба Кирило Буданов.
Остатоците од авионот се пронајдени во морето, но за пилотите сè уште се трага. Украинската морнарица пресретнала руски радиокомуникации што го потврдуваат губењето на контактот.
Су-30СМ е руски повеќенаменски борбен авион од генерација 4+, вреден околу 50 милиони долари, со способност за носење 8 тони оружје и борен радиус до 1.500 км. Според податоци, Русија моментално располага со околу 130 вакви авиони.
