Саудиска Арабија повторно поставува нови стандарди во архитектурата и спортот со најавата за изградба на првиот „небесен стадион“ во светот, дел од амбициозниот проект НЕОМ. Овој спектакуларен стадион, познат како НЕОМ Стадион, ќе биде сместен на висина од 350 метри, во рамките на вертикалниот град The Line, што го прави единствен во историјата на спортските објекти.
Стадионот ќе има капацитет од околу 46.000 посетители и се очекува да биде центар за значајни спортски настани, вклучувајќи и можни натпревари за Светското првенство 2034, кое Саудиска Арабија планира да го организира. Како што објави Artology на социјалните мрежи, стадионот ќе биде на видина од 350 метри, ќе има 46 илјади седишта и целосно ќе користи обновлива енергија.
Проектот е дизајниран со акцент на одржливоста и ќе се напојува со обновливи извори на енергија, целосно усогласени со дигиталната и еколошка визија на НЕОМ. Иако веќе се претставени визуализациите и плановите, експертите укажуваат дека проектот е во рана фаза на планирање и дека изградбата сè уште не е започната. Според достапните информации, почетокот на градежните работи се очекува најрано во 2027 година, а завршувањето може да се случи околу 2032 година.
