Од СДСМ денеска остро ја критикуваа Владата, составена од коалицијата на ДПМНЕ, ВЛЕН и ЗНАМ, обвинувајќи ја за нефункционалност и постојани внатрешни кавги. Според нив, наместо да работи во интерес на граѓаните, владината коалиција е зафатена со меѓусебни пресметки, блокади и партиски калкулации.
„Додека владата тоне во расправии и нема капацитет за реализација на проекти и политики, државата стои во место“, реагираат од СДСМ. Тие додаваат дека економијата е закочена и во континуиран пад, институциите се нефункционални, а Владата доцни и со исплата на плати.
Од партијата истакнуваат дека актуелната власт е фокусирана единствено на задоволување на лични интереси и распределба на државни ресурси, наместо на унапредување на животниот стандард и иднината на граѓаните.
„Со оваа неспособна и раскарана влада, Македонија нема перспектива за напредок“, порачуваат од СДСМ.
