Серхио Бускетс, легендарниот фудбалер, официјално ја објави својата одлука да ја заврши кариерата по завршувањето на тековната сезона. На 37 години, Бускетс има зад себе импресивна кариера, поголемиот дел од која ја помина во редовите на ФК Барселона. Со каталонскиот клуб, тој успеа да освои девет титули во Ла Лига, три Лиги на шампионите, седум Купа на Кралот, три Светски клупски првенства и три Суперкупа на Европа. Во 2023 година, Бускетс се приклучи на Интер Мајами, каде што ќе ја заврши својата фудбалска приказна.
Во своето прощално обраќање, Бускетс изрази длабока благодарност: “Срдечна благодарност до сите и до фудбалот за сè. Звекогаш ќе бидете дел од оваа прекрасна приказна. Чувствувам дека дојде време да се простам од својата кариера како професионален фудбалер. Речиси 20 години уживав во оваа неверојатна приказна, за која отсекогаш сонував. Се повлекувам пресреќен, горд, полн со емоции и најмногу благодарен… Голема благодарност до сите, до скоро.”
Бускетс, во своето видео, не само што се заблагодари на Барселона и шпанската национална репрезентација, туку и на Интер Мајами, сите свои соиграчи и семејството. Тој заврши со инспиративната фраза: “секој крај е нов почеток”, што ја одразува неговата позитивна перспектива за иднината.
