Вкупниот буџет на Општина Штип за 2026 година изнесува 1.984.114.000 денари. На денешната седница на Советот, беа презентирани деталите за распределбата на средствата, при што 14.830.000 денари се предвидени за програмата на Советот на општината, а 189.000.000 денари за административни трошоци.
Капиталните трошоци на општината се планирани на 28.830.000 денари, додека за уредување на градежно земјиште предвидениот износ е 114.750.000 денари. Ивана Трендафилова, член на Советот, истакна дека основниот буџет за 2026 година изнесува 1.179.154.000 денари.
Трендафилова дополнително објасни дека 21.000.000 денари се наменети за поддршка на локалниот економски развој, а за капитални проекти се предвидени 239.739.000 денари. За јавно осветлување се одвојуваат 44.000.000 денари, додека за јавна чистота 14.000.000 денари.
Во продолжение, таа нагласи дека за јавен превоз се планирани 18.000.000 денари, а за одржување и заштита на локалните улици и патишта 40.000.000 денари. За паркови и зеленило, буџетот предвидува 8.500.000 денари, а за изградба и реконструкција на локални аптеки 15.000.000 денари. Трендафилова истакна дека од буџетот ќе се инвестира и во детските градинки, основните и средните училишта.
