1 септември 2024 година, Скопје, Македонија – Светскиот Македонски Конгрес (СМК) изразува искрено сочувство за жртвите и штетите од војната во Украина, но бара Македонската Влада да го отфрли барањето од Украина за нова воена помош од Македонија: Македонија повеќе не треба да праќа оружје во Украина! Македонија треба да откаже нов пакет воена помош за Украина!
Македонија треба да предлага мировни иницијативи за крај на војната во Украина, а не да учествува со воена помош за продолжување на оваа братоубиствена војна поради интересите на САД и некои земји членки на Европската Унија и НАТО за демонтажа на Руската Федерација!
СМК протестира и за досега 12-те хеликоптери донирани од Македонија за Украина. Македонија ниту има капацитет и интереси да војува во странство, ниту да вооружува друга држава таа на својата територија да војува со трета страна.
СМК и натаму повикува на историско руско-украинско помирување и Договор за траен мир и добрососедство помеѓу Руската Федерација и Украина!
СМК повикува на нормализација на американско-руските односи и на односите помеѓу Европската Унија и Руската Федерација!
СМК повторува дека војната во Украина не е војна на Македонците, по род и државјанство, ниту учеството на Македонија е дел од решението за мир во Украина!
СМК ги отфрла македонското учество во војната во Украина и санкциите на Македонската влада против Руската Федерација поради војната во Украина!
СМК потсетува дека Македонија е во пријателски односи и со Руската Федерација и со Украина, Македонскиот народ е во братски односи и со Рускиот народ и со Украинскиот народ!
СМК смета дека Вооружените сили на Македонија не смеат да бидат вовлечени во војната помеѓу Русија и Украина или во војна на НАТО против Руската Федерација поради Украина!
Македонците, по род и државјанство, од сите делови на Македонија, во светот и татковината, и натаму бараат: крај на Студената војна; продолжување на американско-рускиот детант; и мир и развој во светот!
СМК изразува жалење затоа што НАТО селективно го разбира принципот на неделивост на европската безбедност, не земајќи ги предвид безбедносните интереси на другите! НАТО треба да престане да се шири!
