13 септември 2024 година, Берлин, СР Германија – Во организација на Европската епархија на Македонската православна црква – Охридска архиепископија и Јустинијана прва, на 15 септември во Берлин ќе се освети камен-темелник на Македонската православна црква “Свети Климент Охридски” на адреса: Osdorfer Straße 16, 12207 Berlin.
Во чест на осветувањето на камен-темелникот ќе се отслужи света Архиерејска литургија на која ќе чиноначалствува Неговото Блаженство г.г. Стефан Архиепископ Охридски и Македонски и на Јустинијана Прва, во сослужение со надлежниот архиереј Неговото Високопреосвештенство г. Пимен Митрополит Европски и Неговото Високопреосвештенство г. Јосиф Митрополит тетвско-гостиварски, со повеќе свештенослужители од Македонија и Европа.
Програмата предвидува: Пречек на архиереите во 8:45 часот; Архиерејска литургија во 09:00 часот; Осветување на камен темелникот во 10:30 часот; Прослава со Ангел Стојкоски и група “Доминанта” во 11.30 часот; и Настап на фолклорниот ансамбл “Македонско Сонце” од Диселдорф во 12:30 часот.
МПЦО “Свети Климент Охридски” од Берлин упатува јавен повик за масовно присуство со кое ќе се збогати овој величествен настан.
Светскиот Македонски Конгрес упатува искрени честитки за осветувањето на камен темелникот на македонската православна црква “Свети Климент Охридски” во Берлин и упатува апел за донирање за нејзина успешна и брза изградба. Амин.
Пробај ја и оваа алатка:
