ДЕН: 31 јули 2024
14:55 – И Општина Центар се вклучува во помош за екипите што интервенираат за гаснење на пожарите. Повеќе прочитајте ТУКА.
14:40 – Жителите на Берово, Виница и Делчево се солидализираат со Пехчево. Се собира помош во овие градови. И хуманитарната организација „Свети Спас“ со помош за пожарникарите и доброволците.
14:33 – Пожарот во Пехчево сега се движи спрема границата со Бугарија. Градот засега не е под опасност.
14:30 – Покрај во Македонија пожари беснеат и во другите делови на Балканот. Критично е во Сутоморе (Црна Гора), а хрватските пожарникари и натаму се борат со огнената стихија под Биоково, кај Скрадин и Смоковиќ. Добра вест доаѓа од соседна Албанија. Тамошните пожарникари го ставија под контрола големиот пожар во Шенѓин.
13:26 –
https://www.facebook.com/Maleshnet.mk/posts/pfbid08gRyk9rsZ6YGBEWGjvrFvrkvLnc111ZBXYMDSMRLXSieCmtPT2UBraRQSbVW1Njql?locale=mk_MK
13:24 – Ангелов: Управувачкиот комитет ќе бара да се вклучи механизмот на НАТО за помош, иако во моментов нема таква потреба.
13:05 – Министерот за внатрешни работи, Панче Тошковски, на својот Фејсбук профил објави статус во кој наведува дека МВР жестоко ќе одговори кон сите кои подметнуваат пожари. Претходно беше информирано дека МВР ќе поднесе кривична пријава против жител на Радовиш за подметнување на пожар.
13:00 – ЦУК информираше дека е обезбедена меѓународна помош која ќе учествува во гаснењето на пожарите. Во Македонија доаѓаат два хеликоптера од Србија и Чешка и еден ер трактор од Германија.
11:11 – Во моментов се активни 12 пожари на отворено и тоа во општините: Пехчево, Старо Нагоричане, Кратово, Куманово, Пробиштип, Дојран, Пласница, Карбинци и по два во Свети Николе и Македонски Брод.
11:00 – Градоначалникот на Пехчево, Александар Китановски изјави дека во гаснењето на пожарот се вклучени три хеликоптери.
10:51 – Од ЦУК известуваат дека во текот на вчерашниот ден биле регистрирани 66 пожари на отворен простор, од кои во моментов 12 се активни, 3 се под контрола, а 51 е изгаснат.
09:36 – Пожарот кој во текот на вчерашниот ден изби во трговскиот центар „Блист“ во Битола бил предизвикан од искра од апарат за швајцување, информираат надлежните. Инаку во пожарот во новиот трговски центар чие отворање е закажано за 5 август, е утврдена само помала материјална штета.
09:34 – Во гаснењето на пожарот во Пехчево е вклучен еден хелихоптер.
09:10 – Моменталната состојба во Пехчево снимена од регионалниот пат Делчево – Пехчево, во близина на селото Негрево.
https://www.facebook.com/delcevo365.mk/videos/796931328945491
09:00 – Пожарот кој во текот на вчерашниот ден избувна на депонијата кај Стар Дојран е целосно ставен под контрола.
08:13 – Министерот за внатрешни работи на Србија, Ивица Дачиќ, изјави дека испратил три хеликоптери за помош на гаснењето на пожарите кај Прохор Пчински и во источните делови на Македонија. Прочитајте повеќе ТУКА.
07:56 – Дали пожарот во Стар Дојран бил подметнат? Кире Михаилов на својот Фејсбук профил објави што било пронајдено на лице место.
https://www.facebook.com/photo.php?fbid=825713236328726&set=p.825713236328726&type=3&ref=embed_post
07:45 – И ДПД Виница соопшти дека испратиле помош во Пехчево.
https://www.facebook.com/permalink.php?story_fbid=pfbid0sRq1ZKcEKzVfdV1MmyjKLbxKVnbLvXLTyJujfKfDvdRY82codNssxQLhTFUdyhi2l&id=61552403889332
07:40 – ТППЕ Струмица испрати едно ПП возило како и тим на пожарникари да помогнат во гаснењето на пожарот во Пехчево.
https://www.facebook.com/permalink.php?story_fbid=pfbid02RLHToKqWdAZY1N1AbsVJc4LxG8kULaNhBGhMs1nSHu8gHXNcQCRV4dz8i8dQV3p6l&id=100064521739418
07:25 – Пожарите кај селата Тажево и Брезница и натаму се активни. Во гаснењето учествува и местното население.
07:00 – Навивачката група Комити повика на собир денеска од 17:00 часот пред Шарлота. Оттаму, сите доброволци ќе се упатат конн Свети Николе каде ќе помогнат во гаснењето на пожарот.
01:00 – Во текот на ноќна гори на повеќе локации низ Македонија. Најкритично останува во Пехчево, каде загрозени се неколку села. Гори и во Горни Балван, светиниколско, Гостивар, струмичко… Повеќе информации од надлежните се очекува во раните утрински часови.
00:45 – Состојбата во Пехчево и натаму алармантна. Градоначалникот ги повикува сите жители од градот и околината на помош. Апелира да не се оди да се гасат пожарите самоиницијативно. Собирното место за сите доброволци е градскиот плоштад во 5 часот наутро.
https://www.facebook.com/Maleshnet.mk/posts/pfbid0tDG2odaUXiz3rpfZxtQqeLATHpDLCGhivHzxvrZA6Rbcy9oh3dXFCk49dVhjpz2Dl
00:12 – Вчерашниот ден завршува со 54 пожари, загрозени се неколку села, соопштуваат од ЦУК.
00:05 – Изјава на Стојанче Ангелов за шумскиот пожар во Пехчево
