На 19 јануари 2026 година околу 09:00 часот, на Граничен премин Табановце, при влез во државата, полициски службеници ја лишиле од слобода М.С. (27) од Германија.
При извршена гранична контрола и детален преглед на комбе „фолксваген“ со германски регистарски ознаки, во кое се превезувала осомничената, во задниот дел од возилото биле пронајдени две тегли со печурки кои содржат психотропни супстанци.
Според информациите од полицијата, М.С. се изјаснила дека пронајдените предмети се нејзина сопственост. По лишувањето од слобода, таа била предадена на полициски службеници од СВР Куманово за понатамошна постапка.
По целосно документирање на случајот, против осомничената ќе биде поднесена соодветна кривична пријава, согласно важечките законски прописи.
