Stellantis повлекува вкупно 320.065 возила моделите Jeep Wrangler и Grand Cherokee во Соединетите Американски Држави поради потенцијален дефект на високонапонската батерија која може да предизвика пожар, соопшти Националната управа за безбедност на сообраќајот на патиштата (NHTSA). Американскиот регулатор за безбедност на возилата ги предупреди сопствениците на овие возила да ги паркираат автомобилите на отворено и подалеку од објекти, како и да не ги полнат батериите додека производителот не обезбеди решение, пренесува Ројтерс.
Во соопштението се наведува дека станува збор за безбедносна мерка на претпазливост, како и дека до сега не е забележан голем број инциденти поврзани со овој дефект. NHTSA порача дека ќе продолжи да ја следи ситуацијата и дека Stellantis мора да обезбеди трајно решение пред да возилата повторно бидат безбедни за полнење и редовна употреба. Оваа одлука доаѓа само еден месец по тоа што Stellantis во октомври повлече повеќе од 298.000 автомобили во Соединетите Американски Држави поради потенцијален ризик од самопокретување на возилата.
