Во интересен и возбудлив натпревар во Гостивар, Струга Трим Лум со голем пресрвт во вториот дел стигна до победа и три бода против Арсими.
Гостите го започнаа натпреварот подобро и се заканија преку Кампаоре. Арсими одговори со акција на Гафури, но ударот на Сикуру заврши во рацете на голманот на Струга Трим Лум, Марко Анџелети. Гостинскиот напаѓач Кампаоре, во 25. минута, повторно се закани со удар од далечина, но неговиот удар го одбрани Ислами.
Во 40. минута, Белули упати силен шут, а по одбиената топка, ниту Сикиру не беше прецизен.
Само минута подоцна, Сикиру го одличен удар од 20-на метри го постигна првиот гол на овој натпревар и првиот за Арсими на домашен терен во Првата лига.
Во второто полувреме, гостите тргнаа офанзивно, а тоа беше наградено во 68. минута кога Марјан Радески го израмни резултатот на 1:1 со прецизен удар со глава. Само три минути подоцна, Струга Трим Лум стигна до комплетен пресврт. Кампаоре ја искористи грубата грешка на Цуцули од Арсими и со прецизен удар го совлада голманот на Арсими, Ислами.
До крајот од натпреварот, Арсими се обиде со неколку удари од далечина, но не успеа да го избегне првиот пораз во новата сезона. Струга Трим Лум во 3. коло ќе го пречека Работнички, додека Арсими ќе гостува во Тетово, против актуелниот шампион, екипата на Шкендија.
Извор:www.ffm.mk
