Граѓаните на Општина Куманово се известуваат за претстојните третмани, кои ќе се реализираат на повеќе локации низ градското подрачје:
– Четвртиот третман на терестичка дезинсекција (против возрасна форма на комарци), ќе се реализира на 20 август 2025 година, (вторник/среда), започнува на полноќ во 00:00 часот и ќе се одвива до раните утрински часови, на следните локации:
– По текот на река Кумановка од Кумановска Бања, преку с.Проевце, м.в. Бејтови ниви, по должината на кејот на реката, површини на кои се наоѓаат бавчите од спротивната страна на кејот, по должината на бул. Октомвриска револуција, во градскиот парк и околината, по ул.Никола Тесла, покрај реката во реонот на ООУ “Толи Зордумис”, Диво Насеље, по текот на реката во с.Романовце, градските гробишта, каде се наоѓаат главните легла на комарци, нас. Зелен рид, по должина на бул. 3 та МУБ, ул.11 Октомври, со посебен акцент на зелените површини на ЈЗУ Општа болница и централното градско подрачје, по должина на реката Серава, нас.Перо Чичо и низ други делови на територија на Општина Куманово.
За третманот на терестичка дезинсекција ќе се користи препаратот AQVA KOTHRINE, со активна материја Deltamethrine.
– Вториот третман против крлежи на јавни зелени површини, предвидено е да се реализира на 21 и 22 август, со почеток во раните утрински часови, од 05:30 до 08:00 часот, со препаратот ЦИМИНА ПЛУС со активна материја Cipermethrin.
Во случај на неповолни временски услови, третманите ќе бидат одложени до првиот ден, кога временските услови ќе бидат поволни за реализација на планираните активности.
Извор:kumanovo.gov.mk
