Во Неготино, 51-годишен маж се здобил со сериозни повреди при инцидент што се случил вчера наутро. Според информациите од Секторот за внатрешни работи – Велес, несреќата се случила околу 7:10 часот на улица „Фемо Кулаков”. Повредениот, идентификуван како Д.Т., управувајќи мопед со неготински регистарски таблици, паднал на коловозот при обидот да заобиколи метален предмет што паднал од товарно возило.
Товарното возило, „мерцедес” со кавадаречки регистарски ознаки, било управувано од 36-годишниот Д.Ч. од Кавадарци. По падот, Д.Т. бил пренесен во Општата болница – Кавадарци, каде му биле констатирани тешки телесни повреди. На местото на несреќата, екипа од ОВР – Кавадарци извршила увид за утврдување на сите околности поврзани со инцидентот.
