Франческо Тоти, еден од најзначајните фудбалери во историјата на Италија, во последно време е во центарот на медиумското внимание поради својата разделба со долгогодишната сопруга Илари Блази. По нивното раскинување во јули 2022 година, јавноста е особено заинтересирана за деталите околу нивната врска и причините за распадот на бракот. Тоти и Илари се венчаа во 2005 година, а нивната свадба беше пренесена на националната телевизија, со сите приходи насочени кон хуманитарни цели.
Нивната врска, која беше предмет на медиумски интерес, вклучува три деца: Кристијан (18), Шанел (16) и Изабела (7). Илари неодамна објави документарец под наслов „Илари Блази – една, единствена“, во кој ја раскажува својата страна на приказната. Таа изјави: „Нашите деца видоа делови од документарецот и им оставив слободна волја дали да го гледаат или не. Нема потреба да заземаат страни, важно е да имаат јасна слика за тоа што се случуваше.“
Илари открива дека кризата во нивниот брак започнала во момент кога сè изгледало нормално, но ситуацијата се променила по одморот во Русија. Хаосот настана кога се појавија фотографии на Илари со нејзината пријателка и „мистериозен човек“, кој се покажа како личен тренер. Иако Илари тврди дека тоа било само дружење, Тоти ја обвинува пријателката за нарушување на нивниот брак.
Кон крајот на јуни 2022, по разговор со својата ќерка, Илари почнала да се сомнева дека Тоти има врска со Ноеми Боки, што ја натерало да ангажира приватен детектив. Тоти, пак, тврди дека детективот открил уред на неговиот автомобил, но приватниот истражувач, Езио Денти, вели дека таквите уреди можат да се постават само од полицијата. „Интересно е дека Тоти во мобилниот на својата сопруга најде порака со содржина: ‘Стигнавме, ќе те чекам во хотелот’. Таа порака беше од мене и се однесуваше на состанок организиран од Илари“, открива детективот.
На крајот, Денти коментира и за новата девојка на Тоти, велејќи дека таа личи на Илари. „Често некој се вљубува во некој што личи на својот поранешен партнер. Би рекол дека сè уште е заљубен во својата сопруга. Одлучи да има врска затоа што нешто ‘пукна’ со Илари“, заврши приватниот детектив.
