Млада жена од Бразил, 32-годишната Жаклин Гмак, доживеа шокантна реакција по употребата на лек против болки, кој е широко распространет на овие простори. По земањето на ибупрофен за менструални болки, нејзиното тело реагираше со ретка форма на синдромот Стивенс-Џонсон, што доведе до сериозни последици.
Жаклин се соочи со страшни симптоми, вклучувајќи појава на блистери на кожата и чувство на внатрешно горење. По 17 дена поминати во индукована кома, лекарите се обиделе да и го спасат видот преку 26 операции. За жал, на крајот од оваа медицинска драма, таа го изгубила видот на десното око, додека левото останало со ограничена функција.
“Требаше време да сфатам што ми се случи. Осеќав длабока тага”, изјави Жаклин, која сега не може да препознава лица и да се движи самостојно поради проблемите со видот. Оштетувањето на рожницата барало две трансплантации, а за време на втората, лекарите морале да и зашијат капаците за да ги заштитат очите од дополнителни повреди.
По отстранувањето на шевовите, лекарите и соопштиле дека видот на десното око е трајно изгубен, а левото е само делумно функционално. Жаклин, и покрај тешките моменти, се надева на подобра иднина и продолжува да се бори со последиците од оваа трагедија.
