Американскиот претседател Доналд Трамп го потврди испраќањето на нова пратка оружје во Украина, вклучувајќи напредни системи за воздушна одбрана „Патриот“. Пресвртот во политиката на Вашингтон доаѓа по серија интензивни руски напади врз украинските градови.
„Ќе ги испратиме системите на НАТО, а Алијансата ќе се погрижи за натамошната дистрибуција и финансирање“ – изјави Трамп за NBC News.
Украинскиот претседател Володимир Зеленски рече дека со Трамп имале „позитивен дијалог“ за итна испорака на оружје. Тој побара десет „Патриот“ системи, опишувајќи ги како „вистински заштитници на животот“, поради зголемената ранливост на украинската воздушна одбрана.
