Администрацијата на Доналд Трамп разгледува различни воени стратегии за интервенција во Венецуела, со цел да се отстрани актуелниот лидер Николас Мадуро. Според извори од „Њујорк Тајмс“, постојат три главни опции, од кои две носат значителен ризик.
Првата опција вклучува воздушни напади на воени објекти во Венецуела, за кои се смета дека служат за поддршка на наркотици, што Трамп неколку пати поврзал со режимот на Мадуро. Министерството за правда работи на правен основ за овие операции, а целта е да се ослабне воената поддршка на Мадуро, што би можело да го принуди да побегне.
Втората опција предвидува испраќање специјалните сили со цел да се фати или елиминира Мадуро. Оваа стратегија би можела да се оправда со тврдењето дека тој е лидер на нарко-тераристичка група, што би можело да ја заобиколи забраната за убиства на странски лидери.
Третата опција е многу комплексна и вклучува ангажирање на антикорупциски единици за преземање контрола над аеродромите и нафтените полиња. Оваа стратегија носи висок ризик, особено за цивилите, доколку операцијата се изведе во урбани средини.
Според информации од „Њујорк Тајмс“, советниците на Трамп, како што се Марко Рубио и Стивен Милер, поддржуваат поагресивен пристап, истакнувајќи дека Мадуро мора да биде отстранет. Сепак, Трамп е загрижен за можните последици и не сака да ја изложи американската војска на непотребен ризик.
Во меѓувреме, планирано е да се користат беспилотни летала и оружје со долг дострел против Венецуела, со активна употреба по пристигнувањето на ударната група носач на авиони „Џералд Форд“ во Карипското Море.
Трамп неодамна потврди дека времето на Мадуро како претседател е ограничено, но не откри дали планира директна воена акција. Оваа ситуација остава многу прашања за иднината на Венецуела и за односите со САД.
