По повод Европската недела на мобилност, во соработка со Младинскиот центар Велес и Јуроп хаус – Велес, организиравме еко акција за чистење на теренот околу автобуската станица во Велес. Со овој настан сакавме да покажеме дека децата се грижат за зелена еко планета и за подигнување на свеста за зачувување на животната средина.
Меѓудругото, тимот од Општина Велес обезбеди и достојни донации од општествено одговорни компании кои донираа спортски реквизити наменети за општинските основни и средни училишта.
Партнери и поддржувачи на активностите за одбележување на Европската недела на мобилност 2025 во Велес се „Еуро-Фарм”, „Стокомак”, Министерство за животна средина и просторно планирање, ОЈУДГ „Димче Мирчев”, МВР-СВР Велес, Младински центар Велес и ООУ „Панко Брашнаров“ – Велес.
Општина Велес ги повикува сите жители да се придружат на планираните активности во рамките на Европската недела на мобилност.
Детални информации за секој настан можат да се најдат на официјалната веб страница на Општина Велес.
Извор:veles.gov.mk
