„Денес над Македонија“, државната химна на Македонија е напишана од страна на Владо Малески, а автор на музиката е Тодор Скаловски. Напишана е во 1941 година, а по ослободувањето на Македонија односнно завршувањето на Втората светска војна, усвоена е како химна на СР Македонија. Како таква на 11 август 1992 година со носење на закон е прогласена за химна на Македонија.
„Со оглед на приликите, тоа секаде се прави да не падне во очи пречекот на новата година имаше за цел да се собере младината и под оваа форма да се разговара за претстојниот вооружен отпор против фашизмот. Тогаш се информирав и за нападот на полицискиот участок во Прилеп и нападите во Куманово. Што се однесува на програмата за дочек на нова година јас, Боро Путе и Димче Кошарко, ја подготвивме песната “Денес над Македонија” која набрзо потоа ќе стане најпопуларна песна во цела Македонија и која до ден денеска се одржува како еден вид македонска химна.“, ќе напише Владо Малески.
Но, она што малку се знае е дека оваа химна има две верзии. Едната он верзиите, првата, е помалку позната и различна во текстот. Текстот од истата е прикажан во продолжение.
Денес над Македонија се раѓа,
ново сонце на слободата!
Старо младо машко и женско,
на нозе се кренало!
Старо младо машко и женско,
на нозе се кренало!
Горите Македонски шумно пеат,
нови песни, нови весници!
Македонците се борат,
за своите правдини!
Македонците се борат,
за своите правдини!
Одново сега знамето се вее, (Од гроб станаа славните ѕидари)
на Крушовската република!
На Гоце Делчев, Питу Гули,
Карев, Влахов, Сандански
На Гоце Делчев, Питу Гули,
Карев, Влахов, Сандански
Не плачи Македонијо мајко мила,
Крени глава гордо високо,
Македонија слободна,
слободна ќе живее!
Македонија слободна,
слободна ќе живее!
