Организацијата “Обединети Македонци“ во Канада го одбележа 11 октомври – Денот на востанието на Македонскиот народ од фашистичката окупација.
Делегации на организацијата “Обединети Македонци“ во Канада и Леринското здружение положија цвеќе пред споменикот на загинатите борци за ослободувањето на Македонија, подигнат во 1979 година, во дворот на македонската православна катедрална црква “Свети Климент Охридски“ во Торонто.
Панихида со молитва за помен на сите загинати борци и јунаци за ослободувањето и обединувањето на Македонија и Македонскиот народ отслужија свештениците Стефан Груевски, Александар Тодоровски и Јован Босеовски.
Поздравен говор пред присутните одржа претседателот на организацијата “Обединети Македонци” во Канада, Ристо Дурловски кој изрази почит кон сите загинати и упокоени за слободата на Македонија и Македонскиот народ, со завет секогаш достојно да ги одбележуваме овие значајни датуми од историјата на Македонскиот народ и Македонија.
