Белград, 26 мај 2025 (МИА) – Просечната нето плата (без даноци и придонеси) во Србија во март годинава изнесувала 108.013 динари (920 евра), додека просечната бруто плата била 148.652 динари (1.268 евра), објави денеска српскиот Завод за статистика.
Средната нето заработка изнесувала 81.793 динари, што значи дека 50 отсто од вработените оствариле заработка до тој износ.
Растот на бруто платите во периодот јануари-март 2025 година во споредба со истиот период лани изнесува 11,2 проценти номинално, односно 6,4 проценти реално.
Во споредба со истиот месец од претходната година, просечните бруто и нето плати за март се номинално повисоки за 11,5 проценти, а реално за 6,8 проценти.
Од Златко Шумковски Извор МИА
