Volvo на почетокот на 2021 година објави дека до крајот на деценијата целосно ќе премине на електрични возила, но како и многу други производители на автомобили, во меѓувреме се откажа од ова амбициозно ветување. Минатата година, компанијата го ревидираше својот цел: до 2030 година, 90 до 100 проценти од нејзината понуда ќе се состои или од plug-in хибриди или целосно електрични возила.
Во првите девет месеци од оваа година, продажбата на нивните електрични автомобили падна за 21 процент во споредба со истиот период во 2024 година. Plug-in хибридите исто така забележаа благ пад, за еден процент во однос на истиот период минатата година. Заедно, plug-in хибридите и електричните возила сочинуваа 227.317 единици, или само 44,2 проценти од вкупната продажба. Сепак, Volvo и понатаму верува дека деновите на мотори со внатрешно согорување се одбројани, пишува Motor1.
Извршниот директор Хакан Самуелсон неодамна предвиде дека „индустријата ќе биде електрична за околу 10 години“. И покрај тоа, сега изгледа дека овој бренд во сопственост на кинеската компанија Geely ќе ги задржи моторите со внатрешно согорување уште некое време. Во разговор за Automotive News Europe, 74-годишниот раководител призна дека бензинските мотори веројатно ќе останат дел од портфолиото барем до крајот на следната деценија: „Потребна ни е втора генерација plug-in хибриди кои ќе ни траат до крајот на 2030-те. Не можеме тоа да диктираме [крај на моторите со внатрешно согорување].“
