Шведската компанија Volvo објави дека започнала со производството на својот нов, целосно електричен модел ES90, наменет за европскиот пазар. Автомобилите веќе се произведуваат во градот Ченгду во Кина. Продажбата на Volvo ES90 се очекува да започне “подоцна оваа година”, а по неговиот европски дебит, електричниот модел ќе биде достапен и во некои од клучните земји во азиско-пацифичката регија, иако за сега не се наведени конкретни локации.
Како што наведува Klix.ba, ES90 е позициониран како “автомобил за сите прилики”, комбинирајќи елеганција на лимузина и практичност на liftback, со зголемено растојание од тла, типично за SUV-ови. Моделот е базиран на електричната SPA2 платформа, која ја користи и SUV EX90, и ќе биде достапен во три верзии:
* Една електрична единица (погон на задните тркала, 245 КС, батерија од 92 kWh, WLTP дострел 640 км)
* Две електрични единици (погон на сите четири тркала, 442 КС, батерија од 92 kWh, дострел 700 км)
* Performance верзија со две електрични единици (погон на сите четири тркала, 670 КС, батерија од 92 kWh, дострел 700 км).
Со 800-волтната архитектура, на полначи од 350 kW, потребни се само 10 минути за да се наполни батеријата на моделот ES90 за дополнителни 300 километри. Извор: Klix.ba Фото: Volvo
