Времето денеска ќе биде променливо облачно, со појава на магла во претпладневните часови, особено во котлинските предели. Во текот на ноќта се очекуваат локални врнежи од дожд, додека на планинските подрачја врнежите ќе бидат од снег.
Ќе дува слаб ветер, а вдолж Повардарието повремено ќе засилува умерен југоисточен ветер.
Минималните утрински температури ќе се движат од -4 до 1 степен, додека дневните максимални ќе достигнат меѓу 6 и 12 степени.
Во главниот град ќе преовладува променливо облачно време, со магла во утринските часови. Попладне се очекуваат сончеви периоди. Минималната температура ќе се спушти до -1 степен, а максималната ќе достигне околу 7 степени.
Во недела следува променливо облачно време со повремени локални врнежи од дожд, а на планините од снег. Поинтензивни врнежи се најавуваат за понеделник, кога на повисоките места дождот ќе преминува во снег.
Краткотрајно стабилизирање на времето се очекува во вторник, но веќе од среда повторно следува период со нови врнежи од дожд, а на планините од снег.
