Интересни изборни резултати имавме во повеќе општини ширум Република Македонија. Тука се вбројува и оној во Македонски Брод каде по првиот круг не беше избран градоначалник.
Во трката влегоа четири кандидати и тоа: Иван Стојкоски од СДСМ и Коалицијата, Марјан Ѓурчески од Левица, Жарко Ристески од Коалицијата „Твоја Македонија“ предводена од ВМРО-ДПМНЕ и Милосим Војнески како независен кандидат.
Најголем број гласови или 1.539 освои Жарко Ристески, а многу возбудливо беше во борбата за втората позиција, а со тоа и влез во вториот круг. Со 705 гласови оваа позиција припадна на Милосим Војнески кој освои само три гласови повеќе од Ивица Стојкоски.
Пред неколку денови токму Милосим Војнески објави дека се повлекува од вториот круг. Тоа секако е невозможно според Изборниот законик, но со тоа што јавно ја предаде борбата победникот е повеќе од јасен.
