Москва, 3 октомври 2024 (МИА) – Портпаролката на руското Министерство за надворешни работи, Марија Захарова денеска изјави дека српскиот претседател Александар Вучиќ можел да разговара со министерот Сергеј Лавров за украинската криза која го „загрижува“ на маргините на 79. седница на Генералното собрание на ОН.
– Знаете, ако таа тема навистина го загрижува Александар Вучиќ, тој за тоа ќе разговараше со Сергеј Лавров на маргините на ГС на ОН, кога двајцата беа таму и кога ја даде таквата изјава, посочи Захарова, коментирајќи ја изјавата на Вучиќ за траењето на украинскиот судир.
Руските медиуми објавија дека Вучиќ зборувајќи за конфликтот во Украина изјавил дека „на крај ќе биде мир, затоа ќе има силна борба за секое село. Ќе биде достигнато корејското сценарио и тоа нема да има решение за 10, 20 или 30 години и тоа ќе биде суштинско решение за судирот во Украина“.
Од Марина Илиевска/МИА
