Вчера вечер заврши 39-то издание на фестивалот на забавни мелодии “Макфест”. Фестивалот беше поделен на две вечери, првата во петокот каде настапија 13 дебитанти и во саботата ревијалниот дел каде беа изведени вкупно 20 песни меѓу кои и 5 од дебитантската вечер, а целиот фестивал беше придружуван од оркестар во живо. Целата манифестација беспрекорно ја водеа водителите Маријана Станојковска и Димитар Атанасовски.
Во ревијалниот дел настапија многу познати имиња од македонската музичка сцена меѓу кои Елена Ристеска, Дарио, Дани Димитровска, Димитар Андоновски, Антонија Гиговска и други. По завршување на фестивалот, забавата продолжи во еден од кафе баровите во Штип каде публиката имаше можност од близу да се дружи со Елена Ристеска, Куку Леле, Ташко, Јован Јованов и истовремено да ужива во нивните познати хитови од кои голем дел од нив беа изведени претходните години токму на овој музички фестивал.
