Во 2024 година, бројот на умрени од насилна смрт се зголемил за 24% во споредба со претходната година, достигнувајќи вкупно 511 случаи. Насилната смрт учествува со 2.5% во вкупниот морталитет.
Како и претходните години, и во 2024 година поголемо учество имаат мажите, кои сочинуваат 68.1% од сите случаи на насилна смрт.
Во структурата на насилната смрт, најголемо учество имаат несреќните случаи, кои учествуваат со 78.5%, по што следат самоубиствата со 17.4% и убиствата со 4.1%.
Во категоријата несреќни случаи, најголемо учество имаат смртните случаи од други надворешни повреди со учество од 38.0% во вкупниот број на случаи на насилна смрт. Во категоријата самоубиства, најголем број случаи се оние кои се поврзани со бесење, странгулација и суфокација, што сочинува 8.8% од вкупниот број. Кај убиствата, најголем дел од случаите се поврзани со обиди за нанесување телесна повреда со истрел од неозначено огнено оружје, што учествува со 1.6%.
