Во мај 2025 година, Македонија ја посетиле вкупно 130.739 туристи, од кои 77.6 отсто се странски, а 22.4 отсто домашни. Туристичкото движење бележи нагласена доминација на странските гости, што се одразува и на бројот на ноќевања – вкупно 231.313, од кои 71.2 отсто ги оствариле странски туристи.
Во првите пет месеци од годината, бројот на туристите е зголемен за 16.3 отсто во споредба со истиот период лани. Странскиот туризам бележи скок од 23.6 отсто, додека кај домашните туристи е забележан пад од 1 отсто.
И бројот на ноќевања во периодот јануари – мај бележи раст од 12 отсто. Странските туристи придонеле со зголемување од 18.7 отсто, додека кај домашните туристи има благо намалување од 0.3 отсто.
Најмногу странски туристи во мај пристигнале од Турција, Германија, Франција и Србија.
