Жители на Битола и Општина Карпош се убедливо најбројните на пратеничките листи, покажуваат статистичките податоци на непотврдените пратенички листи.
Најголем дел од кандидатите се со живеалиште во Битола и тоа 136. Следи скопската Општина Карпош со 130 кандидати. На третата позиција според бројот на кандидати е Аеродром со 90. Следи Кисела Вода со 84, еден повеќе од Тетово.
Во топ 10 општинис со најголем број на кандидати се наоѓаат уште и Центар, Гази Баба, Прилеп, Велес и Општина Ѓорче Петров. Дебрца, Богданци, Градско, Зрновце, Лозово и Пехчево се општините со по еден кандидат на листите.
Најголем дел од кандидатите или точно 400 се на возраст од 36 до 45 години. 366 кандидати имаат помеѓу 46 и 55 години, а во старосната категорија од 56 до 65 години има 327 кандидати. Најмалку кандидати има во старосната категорија од 18 до 20 години и тоа 35.
