Андов: Ќе работиме со чесност и одговорност - секоја одлука ќе биде во интерес на граѓаните

Интервју со Александар Андов, носител на советничка листа за Општина Кочани од редовите на ВМРО-ДПМНЕ и Коалицијата.

1. Господине Андов, како носител на листата на советници од редовите на владеачката политичка партија ВМРО – ДПМНЕ заедно со коалицијата за град Кочани, како ја доживувате честа, но и одговорноста за оваа функција?

АА: Најпрво сакам да ви се заблагодарам за можноста. Да си носител на советничка листа на најголемата политичка партија ВМРО-ДПМНЕ и коалицијата во Кочани е голема чест и привилегија но во исто време и голема одговорност.На што го темелелам ова? Кога зборувам за чест е затоа што како иден советник во Советот на Општина Кочани ќе имам чест да им служам на граѓаните,секојдевно да бидам во нивните маала,учици,спортски терени,пазари и сл. И да работам за нив за да сите заедно имаме подобро утре,да почнат да веруваат дека советниците од ВМРО-ДПМНЕ и Коалицијата се дел од нив кој ќе ја вложат целата своја енергија и знаење за подобра иднина на наше Кочани. Додека одговорност бидејќи не смееме да ги изневериме граѓаните во ниту еден момент и мора да покажеме разлика дека она што сме го ветиле ќе го исполниме и нема да ги разочараме напротив ќе ја кренеме довербата во локалните институции на многу повисоко ниво од сега.

2. Како директор на основно училиште, кои искуства ги сметате за највредни и истите ќе ги примените и како советник?

АА: Директор е само именувана функција која ви дава можност да направите нешто со кое ќе ги подобрите условите во вашата институција.Функцијата е минлива работа затоа според мене секогаш треба да останеме пред се исти и да продлжиме да ги негуваме пријателствата но и да стекнуваме нови.Предност е тоа што од поблиску се запознаваш со многу предизвици кои треба да ги решиш,чести си надовор од конфорната зона за да ги изменаџираш сите предизвици,тоа те прави карактерно посилна личност,добар менаџер со особони како што се (работлив,трпелив,решеителен транспарентен и сл).Така се надоградуваш како личност и имаш предност кога ќе навлзеш во друга професија или институција.

3. Според вас, кои се трите најголеми проблеми со кои се соочува Кочани во моментов?

АА: Кочани во моментов се соочува со: сообраќаен хаос, загадување на животната средина и задржување на младите.

4. Како ќе се заложите за подобрување на образованието на локално ниво?

АА: Образованието е еден од темелите на секоја држва загартирано со устав и обрасованието ќе биде еден од преоритетите идната локална власт.

Бидејќи сум дирекно вклучен во образованието ги занам работите од поблиску и затоа знам со кои проблеми дирекно се соочуваат училиштата и секторот за образовани во Општина Кочани.

– Затоплувањето во училиштата и проблемот со геотермалната вода која за жал не е искористна како природен потенцијал ќе го решиме и ќе се донесат одлуки со кои ќе бидат задоволни и образовните институцио и Јавното Комунално претприатие,,Водовод”-Кочани

– Бесплатниот превоз кои го користат учениците може да се реши со набавка на сопствени автобуси со кои Општина Кочани ќе го врши бесплатниот превоз за ученици но и ќе се користи за градските и меѓу градските линии.

– Енергетската заштеда преку поставување на фотоволтични панели на сите училшта кои немаат и намалување на сметките за струја со што ќе се заштеди од скромните буџети на училиштата

– Бесплатни униформи за сите ученици за да колку толку се надминат социјалните разлики помеѓу учениците и да го вратиме кодексот на облекување на учениците

– Училшен инвентар,нагледни средства и материјали за квлитетна настава во секое училште.

5. Дали сте подготвени да поддржите добри проекти од другите партии, доколку се во интерес на граѓаните?

АА: Да спремен сум секоја одлука која ќе биде во интерес на граѓаните да ја подржам без размислување.

6. Што би направиле за да ги задржите младите во Кочани?

АА: Ова е многу тешко прашање,и прашање кое го чуствувам многу емотивно затоа јас би рекол дека со подршка на центрлната власт и дирекни мерки за младите во кои ќе бидат вклучени и локланите самоуправи(Општините)би можеле да дадат резултат,реформи како што беа купи куќа купи стан за млади брачни парови,финасиска подршка за отворанње на сопствен бизнис,даночни и административни олеснувања за младите кои сакаат да инвестираат во Кочани и уште низа конкретни мерки за да младите ни останат во Кочани.

7. Дали имате план за поддршка на локалното земјоделство, со оглед на важноста на оваа гранка во кочанскиот регион?

АА: Кочани е и град на земјоделието препознатлив по своето ,,бело злато”Кочанскиот ориз како заштитен бренд на градот и нормално е како локална самоуправа во своите надлежности да се направи план и програма за помош на земјоделците во Кочани,како на пример:

– Реконструкција и одржување на полски патишта за пристап до ниви, складишта и оризови полиња

– Подобрување на системите за наводнување и одводнување, во координација со Водостопанство.

– Мапирање на земјоделските зони и нивна интеграција во урбанистичките планови, за поедноставени дозволи и инвестиции.

8. Каква порака им испраќате на жителите на Кочани во пресрет на изборите?

АА: На сите мои сограѓани на целата територија на Општина Кочани без разлика од каде потекнуваат или каде живеат(село или град) сакам да им порачам дека советничката листа на ВМРО-ДПМНЕ и Коалицијата ќе биде нивнио глас,ќе биде нивна продлжена рака во Општината,ќе работи исклучиво во интерес на граѓаните.

Советниците кои се на листа на ВМРО-ДПМНЕ и Коалицијата заедно со мене како носител ќе останеме она што сме и денес,соседи,другари,пријатели,колеги бидејќи никој не над граѓаните напротив ние сме со граѓаните и за граѓаните на Општина Кочани.

Како советничка листа доколку ја добиеме довербата на нашите сограѓани со дирекна помош преку Советот на Општина Кочани секогаш ќе донасаме одлуки само за подобро утре на секој еден Кочанчанец.

Почитувани на 19ти Октомви заокружете го бројот 9 и за Градоначалник, и за Советничката Листа на ВМРО-ДПМНЕ и Коалицијата за Кочани повторно за живее и биде пристојно место за живеење за секој жител на Кочани без разлика на неговата политичка,верска или национална определба затоа што е вашиот Вистинскиот избор.