Интервју со Маријана Деловска, кандидат за градоначалник на Општина Велес од редовите на политичката партија Демократи.
1. Што Ве мотивираше да се кандидирате за градоначалник на Велес и која е Вашата визија за иднината на градот?
МД: За Градоначалник на Велес ме мотивираше неопходноста на подобра иднина на своите деца и сите деца тука во свое огниште, а не во туѓина… Мојата визија за градот е Велес да биде на граѓаните на целокупното население под надлежност на Велес, а не на одредена група…. и само таа група поделена на подгрупи да плодоужива од благодетите на државниот буџет, кој го добива локалната самоуправа..
2. Велес е град со богата историја и индустриска традиција, но и со бројни предизвици. Кои се најгорливите проблеми што ќе ги решавате најпрво?
МД: Велес град на Грнчари можеби има историја но нема сегашност и иднина затоа што нема фабрики…. знаете реон без оџак што чади, со филтри, се разбира, не е индустриски реон, нема економски развој, има само масовна миграција… од една страна се кријат и узурпираат државните работни места на низок и подмолен начин, а од друга страна приватниот неразвиен сектор кој дејствува како монопол поради тоа што е неразвиен, вработува само по препораки, си игра со работната сила и покрај масовната миграција сеуште има изобилство на работна сила, веројатно треба подолг период за масовна миграција..
3. Како планирате да ја подобрите инфраструктурата – патишта, водовод, канализација – со цел граѓаните да имаат подобри услови за живот?
МД: Најбитна е економската состојба на населението, Општината ќе ја претворам во Агилна Агенција за вработување и ќе им бараме работа на граѓаните преку општината и во приватниот сектор…. Езерото е уништено од канализацијата на викендиците, па оттука ќе спроведам и акција за целосно чистење на езерото…
4. Еколошките прашања се голем проблем за Велес уште од времето на топилницата. Последно актуелни се оние поврзани со квалитетот на водата на езерото Младост како и реките Тополка и Бабуна. Какви конкретни мерки ќе преземете за чист воздух и здрава животна средина?
МД: Ќе се инсталираат прочистителни станици на секој чекор. Ќе ја решам ареата од фармите на начин како што се решава во земјите на ЕУ. Секако ќе се прска против комарците, ќе отворам рециклирачки центар за отпад.
5. Која ќе биде Вашата прва мерка во првите 100 дена, доколку граѓаните Ви ја доверат функцијата?
МД: Помошта од 3000 денари за прваче ќе ја зголемам на 17.000 денари, за тие без приходи, со една или две минимални плати, а исто така ќе отворам народни кујни во Велес… во првите 100 дена ќе воведам задолжителен училишен превоз за сите основци во Велес, за таа намена ќе набавам комбиња, вработам шофери само за таа намена и изградам постојки таму каде треба, ќе воведам кифла и јогуртче за основци и среднисти… децата ќе учат во една училница а не да трчаат по кабинети од час на час, и само во прва смена ова за основци.
